Argentina va Braziliyada hammasi joyida. "Kopa Amerika" 2-turidan so'ng vaziyat qanday?
/ Kiritdi: BestMaster Ko'rilgan: 143
Kopa Amerika turnirining 2-tur uchrashuvlari ham o'z yakuniga etdi. Qiziqarli o'tgan bu turda ayrim etakchi klublar o'z muxlislarini xursand qila oldi. Demak, yakunlangan o'yinlardagi esda qolarli holatlar va jamoalarning guruhdagi holati bilan tanishib chiqamiz.
"A" guruhi
"A" guruhidan o'rin olgan Braziliya - Peru uchrashuvida "pentakampeonlar" o'z raqiblariga hech qanday imkoniyat qoldirmadi. O'yinning 12-daqiqasida Aleks Sandro hisobni ochib bergan golga mualliflik qildi. 68-daqiqada o'tib borayotgan bir paytda "selesao" etakchisi Neymar hisobni 2-0 ko'rinishiga keltirib qo'ydi. O'yin yakunlanishiga yaqin 89-daqiqada Everton Ribeyro va 93-daqiqada Richarlison gol urib, hisobni yirik 4-0 hisobiga keltirib qo'ydi. Shunday qilib, braziliyaliklar ikki o'yinda maksimal ochko yig'ib, hozircha guruhda peshqadam bo'lib turibdi.
Mazkur guruhning ikkinchi o'yini biroz zerikarli bo'lib o'tdi. Yaqqol favorit sifatida qaralayotgan Kolumbiya amalda ham yaxshi o'yinlar namoyish etdi va har javhada ustunlikki erishdi, ammo realizatsiya borasida ularga omad etishmadi. Shuningdek, o'yinga qo'shib berilgan 4-daqiqada Kolumbiya terma jamoasi vingeri qizil kartochka olib, maydonni tark etdi. Shunday qilib mazkur bahsda kolumbiyaliklar muhim ikki ochkoni qo'ldan chiqardi.
"B" guruhi
Bugun tongda esa "B" guruhidan o'rin olgan ikki o'yin bilan "Kopa Amerika" turniri davom etdi. Ilk bahsda Chili terma jamoasi Boliviyaga qarshi maydonga chiqdi. Bu o'yinda "La Roxa"ga favorit sifatida qaralayotgan edi. Amalda ham shunday bo'ldi. O'yinning 10-daqiqasida Chili futbolchisi Ben Breretonning urgan goli o'yinda yagonaligini saqlab qoldi va Martin Laserte shogirdlari muhim uch ochkoni qo'lga kiritdi.
Ushbu guruhning ikkinchi o'yinida esa katta nomlarning o'zaro to'qnashuviga guvoh bo'ldik. Argentina terma jamoasi o'zining azaliy raqiblaridan biri bo'lmish Urugvayga qarshi maydonga ko'tarildi. Hujumkorlik borasida "albisileste" raqibni ancha qiynab qo'ydi. O'yinning 13-daqiqasida Leoning qanotdan yo'llagan uzatmasidan so'ng Gvido Rodriges hisobni ochdi. Shunday so'ng Messi va uning jamoadoshlarida ko'plab imkoniyatlar bo'ldi, ammo ular boshqa gol ham urmadi va o'z darvozasi daxlsizligini saqlab qoldi. Ushbu g'alabadan so'ng Argentina ochkolari sonini 4 taga etkazib qo'ydi va hozircha Chili bilan bu guruhda etakchi bo'lib turibdi.
"A" guruhidagi vaziyat
| Argentina | 4 | 2 | 1 | 0 | 1 | 2 | 1 | +1 |
| Chili | 4 | 2 | 1 | 0 | 1 | 2 | 1 | +1 |
| Paragvay | 3 | 1 | 1 | 0 | 0 | 3 | 1 | +2 |
| Urugvay | 0 | 1 | 0 | 1 | 0 | 0 | 1 | -1 |
| Boliviya | 0 | 2 | 0 | 2 | 0 | 1 | 4 | -3 |
"B" guruhidagi vaziyat
| Braziliya | 6 | 2 | 2 | 0 | 0 | 7 | 0 | +7 |
| Kolumbiya | 4 | 2 | 1 | 0 | 1 | 1 | 0 | +1 |
| Venesuela | 1 | 2 | 0 | 1 | 1 | 0 | 3 | -3 |
| Ekvador | 0 | 1 | 0 | 1 | 0 | 0 | 1 | -1 |
| Peru | 0 | 1 | 0 | 1 | 0 | 0 | 4 | -4 |
Bosh sahifaga
228