"Barsa" sobiq ustozi "Tottenxem"da ish boshlashi mumkin

Jurnalist Fabritsio Romanoning tvitterda xabar berishicha, "Tottenxem" murabbiyligiga nomzodlar ro'yxatiga "Barselona"ning sobiq ustozi Ernesto Valverde, Germaniyadagi faoliyati bilan tanilgan Ralf Rangnik va yaqinda "Ayaks" bilan shartnomasini uzaytirgan gollandiyalik mutaxassis Erik ten Xag kiritilgan.

Qayd etilishicha, Valverde bilan muzokaralar hali boshlanmagan, qolgan ikki nomzod esa "Tottenxem"ga o'tishi qiyin bo'lib tuyulmoqda. Eslatib o'tamiz, "Tottenxem" o'tgan mavsum Angliya Premer-ligasi turnir jadvalida ettinchi o'rinni egallagan edi.