Amerika kubogi. Argentina terma jamoasi Urugvayni mag'lub etdi (videosharh)

Amerika kubogi musobaqasida "A" guruhi vakillari 2-tur o'yinlarini o'tkazishdi.

Chili terma jamoasi Boliviya bilan to'qnash kelib, kichik hisobda g'alaba qozondi. Uchrashuvdagi yagona gol Brirton (10-daqiqa) hisobiga yozildi.

Argentina milliy jamoasi ham tezkor gol evaziga g'alabani rasmiylashtirdi. Uchrashuvdagi hisobni 13-daqiqada Gido Rodriges ochishga muvaffaq bo'ldi. "Betis" yarim himoyachisi Messi tomonidan etkazilgan uzatmani bosh bilan darvozaga joylab qo'ydi. Ushbu gol bahsda yagonaligicha qoldi.

"A" guruhida Chili va Argentina terma jamoalari 4 ochko bilan peshqadamlik qilishmoqda.

Amerika kubogi. "A" guruhi, 2-tur
Chili – Boliviya 1:0 (1:0, 0:0)
Gol: 1:0 – 10 Brirton.
Chili – Bravo, Isla, Medel, Maripan, Mena, Vidal (Alarkon, 69), Pulgar, Arangis, Meneses (Pinares, 65), Vargas, Brirton (Arangis, 84).
Boliviya – Lampe, Bexarano, Kinteros, Djuzino, Fernandes, Saavedra (Flores, 78), Vaka (Vilyarroel, 90), Xustiniano (Bexarano, 90), Arse, Chura (Ramalo, 64), Alvares.
Ogohlantirishlar: Vaka (53), Maripan (81), Bexarano (87).

Argentina – Urugvay 1:0 (1:0, 0:0)
Gol: 1:0 – 13 Rodriges.
Argentina – Martines, Molina, Romero, Otamendi, Akunya, de Paul (Petstselya, 90), Rodriges, Lo Chelso (Palasios, 52), Messi, Martines (Korrea, 52), Gonsales (Di Mariya, 70).
Urugvay – Muslera, Gonsales (Torres, 70), Ximenes, Godin, Vinya, Valverde (Gorriaran, 84), Bentankur (Nandes, 46), Torreyra (Vesino, 64), de la Krus (Okampo, 65), Suares, Kavani.
Ogohlantirishlar: Lo Chelso (48), Torreyra (62), Martines (75), Okampo (90), Korrea (90).