Keyn Evro-2020da birorta ham aniq zarba bera olmadi

Angliya terma jamoa jamoasi Evropa chempionatining 2-turi doirasida Shotlandiya bilan to'qnash kelib, golsiz durangga imzo chekdi.

Inglizlar hujumchisi Xarri Keyn mazkur uchrashuvning 74-daqiqasida zaxiraga olindi va uning o'rniga Markus Reshford tushirildi.

«Tottenxem» forvardi Evro-2020ning dastlabki 2ta o'yinida raqiblar darvozasi tomon biror marta ham aniq zarba yo'llay olmadi. Keyn Xorvatiyaga qarshi uchrashuvda (1:0) 82 daqiqa davomida maydonda harakat qilgandi.

U 1-turda bir marta, Shotlandiyaga qarshi o'yinda esa raqib darvozasi tomon 2 marta zarba berdi. Ammo 3ta zarba ham noaniq ketdi.