Chexiya ustozi: «Keyingi ikki o'yinda bir ochko etarli bo'lishi mumkin, ammo durang uchun o'ynamaymiz»

Chexiya termasi bosh murabbiyi Yaroslav Shilhavi Xorvatiya terma jamoasiga qarshi o'yin oldidan o'z fikrlarini bildirdi.

«Maqsadimiz aniq — guruhdan keyingi bosqichga yo'l olishni istaymiz. Keyingi ikki o'yinda bir ochko ham etarli bo'lishi mumkin, ammo durang uchun o'ynashni xohlamaymiz. Xorvatiya katta klublardagi top saviyali o'yinchilarga ega amaldagi vitse Jahon chempioni. Muvaffaqiyat qozonmoqchi bo'lsak, jamoaviy ajoyib o'yin namoyish etishimiz kerak. Bu g'alaba qozonishning yagona yo'li».