Muxlislarning noroziligi ushbu transferni chippakka chiqardi

«Fiorentina»ning sobiq bosh murabbiyi Jennaro Gattuzo Londonning «Tottenxem» klubini boshqarmaydi, deb xabar bermoqda The Athletic..

Yaqinda «shporlar»ning boshqaruvchi direktori lavozimini egallab olgan uning vatandoshi Fabio Paratichi italiyalik mutaxassisni taklif qilmoqchi edi.

Biroq, ijtimoiy tarmoqlardagi muxlislar Gattuzoning tayinlanishiga keskin qarshi chiqishdi. Ushbu omil klub rahbariyatini nomzod bilan muzokaralarni to'xtatishga ishontirdi.

Eslatib o'tamiz, «Tottenxem» Joze Mourinoni aprel oyida istefoga chiqargandi. So'nggi paytlarda OAV faol ravishda klub «Roma»ning sobiq ustozi Paulo Fonsekani qabul qilishi mumkinligi haqida yozmoqda.