«Real» Varan uchun qancha xohlaydi?

«Manchester Yunayted» «Real» himoyachisi Rafael Varanni sotib olish uchun «qirollik klubi»ga taklif bilan chiqqan.

Madrid klubi mankunianlar tomonidan 28 yoshli futbolchi uchun 50 million funt taklifni allaqachon rad etgan. Qayd etilishicha, «qaymoqranglilar» 80 million funt sterling narxiga amal qilishadi va MYu bu borada muzokaralarni to'xtatmoqchi emas.

Oldinroq Varan «Real» bilan 2022 yil yozida tugaydigan shartnomani uzaytirmasligi haqida xabar berilgan edi.