Evro-2020. Daniya - Belgiya. O'zaro o'yinlarda kim ustun? Raqamlar so'zlaganda

Evropa chempionati bahslari davom etadi. Bugun «B» va «C» guruhlarida 2-tur uchrashuvlari davom ettiriladi. «B» guruhidan o'rin olgan ikkinchi qarama-qarshilikda Daniya va Belgiya o'yini nom e'tibori bilan ham nisbatan markaziy maqomga tortib ketadi.

Stadion.uz esa doimgidek bu ikkala jamoa haqida ayrim fakt va statistikalarga to'xtalib o'tadi.

• Belgiya va Daniya o'rtasidagi bahslarga muxlislar shu paytgacha ko'p ham guvoh bo'laverishmagan. Har ikki jamoa o'rtasida o'zaro 12 ta uchrashuv bo'lib o'tgan.

Ulardan 6 ta bahsda «qizil iblislar»ning qo'li baland kelgan bo'lsa yana shuncha uchrashuvda "qizil-oqlar" zafar quchishgan. Qolgan uchta bellashuvda esa g'olib nomi aniqlanmagan.

• Belgiya hamda Daniya jamolari  o'rtasidagi to'qnashuvlarning so'nggi 15 bahsidan 13 tasida kamida 2 ta gol kiritilmoqda.

• Mehmonlar hujumchisi Romelu Lukaku jamoasi safida o'zining oxirgi 19 o'yinida 26 ta golda ishtirok etdi (22 gol, 4 assist).

• Belgiya Evropa chempionatiga saralash doirasida barcha jamoalardan ko'p gol urishning uddasidan chiqdi (40).

• Daniya Evropa chempionatida  ketma-ket 3 o'yindan beri mag'lubiyatga uchrab keladi. «Qizil-oqlar» so'nggi 11 bahsning atigi 2 tasida g'alaba qozonishning uddasidan chiqqan (7 mag'lubiyat va 2 durang).

• O'z navbatida Belgiyada bu borada barcha musobaqalar doirasida 10 ta o'yinlik mag'lubiyatsiz seriya mavjud (8 ta g'alaba va 2 ta durang)

• Belgiya barcha turnirlar doirasida jami 31 bahsdan beri maydonni golsiz tark etmagan. Jamoaning darvozani ishg'ol qila olmagan so'nggi bahsi Rossiyada o'tgan Jahon chempionati yarim finalida Frantsiyaga qarshi kuzatilgan (0:1).

• Belgiya Evrodagi so'nggi 5 bahsida ham birinchi bo'lib darvozani ishg'ol etgan.

• «Qizil iblislar» o'sha 5 uchrashuvning 3 tasida 3 va undan ortiq gol urib kelmoqda.

• Belgiya Evropa chempionatlarining so'nggi 11 o'yinida har ikkala bo'limda ham g'alaba qozongan.

• Ushbu uchrashuvlar davomida belgiyaliklar eng kamida 2 tadan gol urib kelishmoqda.

• Yuqorida ta'kidlab o'tganimizdek, ushbu jamoa 10 ta o'yindan beri mag'lubiyat nimaligini bilmay kelmoqda. Belgiyani oxirgi marta Millatlar ligasi doirasida oktyabrda Angliya mag'lub etgan edi.

• Ushbu jamoa shuningdek, Evrodagi so'nggi 5 o'yinning 4 tasini darvozasidan gol o'tkazmagan holda yakunlagan.

• Shuningdek, Lukaku jamoadoshlari ko'hna qit'aning so'nggi 11 bahsidan beri faqat g'alaba qozonib kelmoqda.

• Bugungi uchrashuvdagi mag'lubiyat Daniyaga musobaqa chiqish eshiklarini ko'rsatib qo'yishi mumkin. Bu esa so'nggi 8 ishtirok davomidagi 5-muvaffaqiyatsiz natija bo'lib qayd etiladi.

Manba: stadion.uz