«Arsenal»ning taklifi «Brayton»ga ma'qul kelmadi

«Brayton» «Arsenal»ning himoyachi Ben Uaytni sotib olish uchun uringan taklifini rad etdi, deb xabar berdi Sky Sports.

«Kanonirlar» 23 yoshli markaziy himoyachi uchun 40 million funt taklif qilishdi, ammo bu summa «chaykalar»ga to'g'ri kelmadi. Tomonlar muzokaralarni davom ettirmoqdalar.

Shu asnoda «Aston Villa» «Arsenal» yarimhimoyachisi Emil Smit-Rou transferi bo'yicha ham taklif bilan chiqqan. Ammo londonliklar buni rad etishgandi. «Sherlar» futbolchi uchun 25 million funt taklif qilishdi, bu esa to'pchilarga to'g'ri kelmadi.