Evro-2020ning eng tezkor futbolchilari e'lon qilindi

UEFA matbuot xizmati Evro-2020ning eng tezkor futbolchilari ro'yxatini e'lon qildi.

Unga ko'ra, Italiya terma jamoasi himoyachisi Leonardo Spinatstsola ayni paytda musobaqada eng tez yugurgan o'yinchi bo'lib turibdi. 28 yoshli futbolchining eng yuqori tezligi 33,8 km/soatga teng bo'lgan.

Bu borada ikkinchi pog'onani Uels termasi yarim himoyachisi Daniel Jeyms egalladi — 33,5 km/soat. Angliya terma jamoasi hujumchisi Rahim Sterling esa 33,1 km/soat tezlik bilan kuchli uchlikka kirdi.