Germaniya — Frantsiya o'yinida Pogbani tishlab olgan nemis futbolchisiga nega jazo berilmadi?

Germaniya himoyachisi Antonio Ryudiger Frantsiya - Germaniya o'yinida frantsiyalik yarim himoyachi  Pol Pogbani tishlagani uchun UEFA sanktsiyalariga duch kelmaydi.

"Chelsi" himoyachisi Ryudiger o'yin oldidan nemislar qo'pol o'ynashi mumkinligini aytgandi.  Keyin esa buni amalda ko'rsatdi - epizodlardan birida Ryudiger "Manchester Yunayted"  yarim himoyachisi Pol Pogbani tishlab oldi.

Pogba hakamga norozilik bildirdi, ammo hakam frantsuz futbolchisiga e'tibor bermadi.

UEFA intizom qo'mitasi chorshanba kuni ertalab uchrashuv rasmiylarining hisobotlarini baholadi va "Chelsi"ning 28 yoshli futbolchisiga nisbatan sanktsiyalarni qo'llash uchun hech qanday sabab  yo'q degan qarorga keldi.    Bundan tashqari, o'yindan so'ng Pol Pogba Ryudigerga hech qanday shikoyati yo'qligini aytdi.   Manba: futbik.com