Saudiya Arabistoni O'zbekistonni JCh-2022 saralash yo'lidan olib tashladi

Bugun Osiyo mintaqasida JCh-2022 saralashining 2-bosqichiga yakun yasaladi. O'zbekiston terma jamoasi Saudiya Arabistoniga qarshi uchrashuvda yirik hisobda imkoniyatni boy berdi.

Vadim Abramov bu bahsni to'la-to'kis boy bergan bo'lsa, saudiyaliklar o'z o'yini bilan haqli g'alabaga erishdi.

Aslida bugungi o'yinda bizni durang ham qanoatlantirar edi. Birinchi bo'limda ikkita to'p o'tkazgan bo'lsak-da, kambek uchun umid saqlanib turgandi. Ammo ikkinchi taym boshida o'tkazib yuborilgan uchinchi golni barchasini chippakka chiqardi — 0:3.

Shu tariqa, O'zbekiston terma jamoasi 2-o'rinni egallagan jamoalar orasida 7-pog'onani band etdi. Ilk marta jahon chempionati saralash tsiklining so'nggi bosqichiga chiqa olmadik. Afsus.

Endi 2026 yilgi JCh saralash tizimini kutishdan boshqa ilojimiz yo'q.

JCh-2022 saralash. "D" guruhi, 10-tur
SAUDIYa ARABISTONI - O'ZBEKISTON - 3:0
Gollar: Salmon al-Faraj (25, 33), Ali al-Hassan (53)

Manba: www.stadion.uz.