«Yuventus» himoyachisiga A Seriyaning boshqa bir klubi da'vogar

«Atalanta» yozda «Yuventus» himoyachisi Merih Demiralning transferini rejalashtirgan. Bu haqda Italiya matbuoti xabar bermoqda.

Bergamo klubi uchun futbolchining transferi juda qiyin amalga oshishi mumkin. Oldinroq «Yuve» Demiral uchun katta summa talab qilishi ma'lum bo'lgan edi.

Agar «Atalanta» turinliklar bilan kelisha olmasa, ular etiborini boshqa futbolchilarga qaratishga majbur bo'ladi. Xususan, «Lill»dan Sven Botman va «Torino»dan Lyanko Voynovich.