Frantsiya terma jamoasining bir qancha futbolchilari safga qaytdi

Frantsiya terma jamoasining hujumchilari Karim Benzema va Antuan Grizmann terma jamoaning umumiy guruhida mashg'ulotlarga qaytishdi.

Eslatib o'tamiz, Benzema o'tgan hafta o'rtoqlik uchrashuvida jarohat olgan bo'lsa, Grizmann esa tizzasidan olgan jarohatini tiklash bilan ovvora edi. Shuningdek, Dide Deshamning bugungi mashg'ulotiga bir haftaga safdan chiqqan himoyachi Rafael Varan va juma kuni yuzidan engil jarohat olgan Kurt Zuma ham qatnashdi.

Evro-2020 guruh bosqichining 1-turida Frantsiya terma jamoasi Germaniya bilan o'ynaydi. O'yin 15 iyun kuni Myunxenda bo'lib o'tadi va soat 00:00da (Toshkent vaqti bilan) boshlanadi.