Chalxanoglu uchun kurashga yana bir grand jamoa qo'shildi

Madridning «Atletiko» klubi «Milan» yarimhimoyachisi Hakan Chalxanogluga qiziqish bildirmoqda. Bu haqda jurnalist Fabritsio Romano xabar beradi.

Chalxanogluning «rossonerilar» bilan tuzgan shartnomasi joriy yil o'z nihoyasiga etadi. Tomonlar hamkorlikni uzaytirish to'g'risida kelisha olmayaptilar. Shunday qilib, Chalxanoglu «Atletiko»ga erkin agent maqomida borib qo'shilishi mumkin.

So'nggi mavsumda Xakan barcha musobaqalarda 42 ta uchrashuv o'tkazib, 9ta gol va 12 ta golli pasni o'z hisobiga yozib qo'ydi.