Mourino: "Bu futbolchi bilan ishlamaganimdan juda afsuslanaman"

Portugaliyalik murabbiy Joze Mourino hech qachon "Chelsi" yarim himoyachisi Mateo Kovachich bilan  ishlamaganidan juda afsuslanishini tan oldi.

"Roma"ning yangi ustozi Zagrebning "Dinamo"sidan tashqari Kovachich o'ynagan barcha klublarni boshqargan, ammo 27 yoshli futbolchi bilan bir vaqtda bir klubda bo'la olmagan.

«Men har doim Kovachichni odamlar o'ylagandan ko'ra yaxshiroq ekanligini his qilaman. Men juda  afsusdaman, chunki u men bo'lgan barcha klublarda o'ynagan, ammo biz u bilan hech qachon birga  ishlamaganmiz. U "Real"da o'ynagan, ammo men bilan ishlamagan. U "Chelsi"da o'ynagan, ammo men  bo'lmaganman. U "Inter"da o'ynagan, ammo yo'q edim", - deb izoh berdi Mourino.