Sautgeyt: "Bugungi holatimiz uchun tarix hech qanday rol o'ynamaydi"

Angliya terma jamoasi bosh murabbiyi Garet Sautgeyt Xorvatiyaga qarshi bo'lib o'tadigan Evro-2020 o'yini haqida gapirdi.

«Xorvatiya - bu juda tajribali, ajoyib ijrochilar, kuchli psixologiyaga va ajoyib jangovar ruhga ega terma jamoa. Jamoa futbolchilari ham taktik jihatdan ancha moslashuvchan, bu esa ushbu uchrashuvni biz uchun jiddiy sinovga aylantiradi, ammo biz g'alabaga erishishimiz mumkinligini bilamiz.

Bilamizki, 2018 yilgi uchrashuv juda shiddatli kechdi va yakun barchaga ma'lum. Biroq shundan keyingi bahsda biz g'alaba qozondik. Bugungi holatimiz uchun tarix hech qanday rol o'ynamaydi», - deydi Sautgeyt UEFA saytiga bergan intervyusida.