Eriksen o'ynagan klublari unga sog'lik tiladi

Kristian Eriksen o'ynagan jamoalari «Ayaks», «Tottenxem» va «Inter» futbolchiga qo'llab-quvvatlovchi ohangdagi so'zlarni bildirishdi.

«Qani, Kris! Bizning umidimiz senda», deb yozadi «Inter».

«Bizning barcha yaxshi tilaklarimiz Kristian Eriksen va uning oilasi bilan birga bo'ladi», - deb yozdi tvitterda Londonning «Tottenxem» jamoasi.

«Bor e'tiborimiz senda Kris. O'rningdan tur. Senga ishonamiz», - deyiladi "Ayaks" rasmiy sahifasida.

Eriksen o'zining professional faoliyatini «Ayaks»da 2010 yilda boshlagan. 2013 yilda u «Tottenxem»ga o'tdi va 2020 yildan buyon «Inter»da o'ynab keladi.