Spinatstsola: "Italiya eng yaxshi tarkibga ega"

Italiya yarim himoyachisi Leonardo Spinatstsola Evro-2020 musobaqasi 1-turida Turkiya ustidan qozonilgan g'alabadan keyingi hissiyotlari haqida gapirdi.

- Avtobusda stadion tomonga yo'lga chiqan payt, ko'chalardagi muxlislarni ko'rganda hissiyotlar boshlandi. Bu haqiqatan ham bizga ishonch berdi. Ajoyib uchrashuv bo'ldi. Sabr qildik, to'pni yaxshi nazorat qildik. Keyin o'g'limni tribunada ko'rdim, bu juda hayajonli edi, - dedi Spinatstsola.

Turklarga qarshi o'yinda Spinatstsola golli uzatmani amalga oshirdi va UEFA tomonidan "Uchrashuvning eng yaxshi futbolchisi" sovrininiga ega chiqdi.

- Men juda xotirjam yigitman, o'yinlar oldidan yaxshi uxlayman. Buning sababi shundaki, men nima qilishim kerakligini va nimaga qodir ekanimni bilaman, shuning uchun o'zimni his qilaman. Murabbiy har doim oldinga borishimni aytadi, lekin ba'zida biroz tanaffus qilishni so'rayman, bu odamni juda charchatadi! Bizning jamoamiz ajoyib: eng yaxshi yarimhimoyachilar, hujumchilar va himoyachilar. Hamma o'z ishini qiladi, - deya qo'shimcha qildi futbolchi.

Eslatib o'tamiz, Italiya jamoasi Evropa chempionatidagi navbatdagi o'yinni 16 iyun kuni Shveytsariya terma jamoasiga qarshi o'tkazadi.