Donnarumma qachon "PSJ" safiga qo'shilishi aniq

Bir nechta manbalarning xabariga ko'ra, Donnarumma hafta oxirida "PSJ" futbolchisi sifatida rasman e'lon qilinadi. Darvozabon parijliklar bilan erkin agent sifatida shartnoma imzolaydi. Futbolchining faqat tibbiy ko'rikdan o'tishi qoldi. Futbolchining agenti Mino Rayola allaqachon klub vakillari bilan kelishuvga erishgan.

Darvozabon tibbiy ko'riklarga shanba yoki yakshanba kunlari boradi. "PSJ" Evropa chempionati yakunlanishini kutmoqchi emas. Parijliklar allaqachon rasmiy taqdimotni tayyorlashmoqda. Futbolchining maoshi bonuslar hisobga olinmaganda, har bir mavsum uchun 12 million evroni tashkil qiladi.