Gunesh: "Raqib bizga qaraganda yaxshiroq tayyorlangan ekan"

Turkiya terma jamoasi bosh murabbiyi Shenol Gunesh Italiya bilan o'yindan so'ng o'z fikrlarini bildirib o'tdi.

"O'yinga yaxshi tayyorlana olmaganimiz yaqqol ko'rinib qoldi. To'p bilan muomala qilishda kamchiliklarga uchradik. Italiya terma jamoasi ancha kuchli raqib ekanini bilardim. Ammo bu sinov: bizda yana ikkita o'yin bor. 

Raqib bizga qaraganda yaxshiroq tayyorlangan ekan. Oldimizda yana ikkita o'yin turibdi. Ularni yutishimiz kerak. Umid qilamanki, Uelsga qarshi o'yinda o'zimiz istagan darajaga chiqa olamiz", - deydi Gunesh.