Insine: «O'zimizni qurbon qilishga tayyormiz»

Italiya terma jamoasi yarim himoyachisi Lorentso Insine Evro-2020 musobaqasida Turkiyaga qarshi o'yindan so'ng (3:0) fikr bildirdi.

«Biz asta-sekin boshladik, ammo ikkinchi bo'limda o'yinimizni tubdan o'zgartirib, uchta gol urishga muvaffaq bo'ldik. Manchini bizga xotirjam bo'ling va bor e'tiboringizni o'yinga qarating dedi. Maqsadimizga erishganimizdan xursandman.

Bizning kuchimiz jamoaviy ruhda. Murabbiy ajoyib tarkibni yaratdi, unda zaxira va asosiy tarkib o'yinchilariga bo'linish mavjud emas. Jamoadoshlar uchun har birimiz har doim o'zimizni qurbon qilishga tayyormiz. G'alaba eng muhimi, agar men gol urishga muvaffaq bo'lsam, bundan ham yaxshiroq. Ajoyib oqshom»- dedi Insine.