JCh saralash. Saudiya Arabistoni Singapurga javobsiz uchta to'p kiritdi

O'zbekiston terma jamoasi bilan bir guruhdan o'rin olgan jamoalarning ham uchrashuvi o'z yakuniga etdi. Guruhda vatandoshlarimizning asosiy raqibi hisoblangan Saudiya Arabistoni o'tgan turda vakillarimizdan javobsiz 5ta to'p o'tkazib yuborgan Singapur jamoasiga qarshi maydonga tushdi. Ushbu bahsda saudiyaliklar katta ustunlikka ega bo'lgan bo'lsa-da, juda qiyinchilikka uchrashdi. 84 daqiqa davomida raqibi darvozasiga yo'l topa olmadi. Ammo, shuncha vaqt arablar hujumiga dosh bergan Singapur himoyasi 85-daqiqadan keyin parchalanib ketdi va yirik 0:3 hisobida imkoniyatni boy berdi. 

Singapur - Saudiya Arabistoni 0:3

Gollar: Salim al-Davsari (84), Fahad al-Muvallad (87), Solih al-Shehri (90+6).

Singapur - Izvan Maxbud, Hofiz Sujad (Hafiz Nur, 59), Madxu Moxana, Nazrul Nazari, Zulfaxmi Arifin, Amirul Azmi, Irfon Fandi, Shahdan Sulaymon, Yasir Xanapi (Shaval Anvar, 59), Muhammad Syaxin, Faris Ramli.

Saudiya Arabistoni - Muhammad al-Ovays, Yosir al-Shahroni, Muhammad al-Kabrani, Muhammad al-Burayk (Saud Abdul Hamid, 72), Ali al-Bulayxi, Salmon al-Faraj, Salim al-Davsari, Abdulloh al-Malki, Ali al-Asmari (Sami al-Naji, 46), Fahad al-Muvallad, Abdulloh al-Hamdan (Solih al-Shehri, 46).