Diyor Imomxo'jaev: "Ochilish uchrashuvi uchun bundan ham chiroyli qarama-qarshilikni topish qiyin edi"

Taniqli mutaxassis Diyor Imomxo'jaev bugun boshlanadigan Evro-2020 musobaqasining ochilish o'yiniga to'xtalib o'tdi.

Turkiya — Italiya o'yini bilan bugun Evro-2020 start oladi. Ochilish uchrashuvi uchun bundan ham chiroyli qarama-qarshilikni topish qiyin edi.

Tarix va geografiyani yaxshi ko'rardim. Bu fanlar Italiya va Turkiyani ko'p eslatadi, Rimdan tortib, Usmonlilar imperiyasiga qadar, I jahon urushidan tortib, Vizantiy, Konstantinopol va bugun Istanbulga aylangan shahar bilan bog'liq tarix, Buyuk Ipak yo'lini Evropa bilan bog'laydigan yo'llar, Qora deygiz va O'rta er dengizi o'rtasidagi tarixiy harakatlar, xullas, Italiya va Turkiya mana shu silsilalar sabab ham yaxshi raqibdirlar.

Albatta A seriyani turk Superligasidan farqi bor, Italiya chempionati oldinda, doim trendda. Biroq Turkiya chempionatini kuchsiz deya olmaymiz, Beshiktosh, Trabzonspor, Galatasaray, Fenerbaxche kabi bir-biriga o'gay va dahshatli raqobatchilari bor bu chempionatning. Bugun Italiyaga oson bo'lmaydi, bugun turklar tom ma'noda so'nggi nafaslarigacha kurash olib borishadi.

Uchrashuv Rimda, Rim timsollaridan biri Olimpikoda bo'lib o'tadi. 23:50 dan boshlab UzReport jonli efirga ulanadi. O'zbekistonning Yamanga qarshi o'yinini tugatib, men Olimpikoga ulanaman va bugun Turkiya uchun muxlislik qilaman.

Diyor Imomxo'jaev