Portugaliyalik sobiq darvozabon 59 yoshida vafot etdi

10 iyun, payshanba kuni portugaliyalik mashhur darvozabon Adelinu Nenu vafot etdi.

Sobiq futbolchi 59 yoshida olamdan ko'z yumdi. Uning o'limi sabablari hozircha noma'lum. Nenu faoliyati davomida Portugaliya klublarida, jumladan 1981-1984 va 1990-1995 yillarda «Benfika» da o'ynagan.

Darvozabon terma jamoa safida 9 ta o'yin o'tkazdi. Faoliyatini yakunlagach, u «Benfika» murabbiylar shtabi a'zosi bo'lgan edi.