Kroos: "Tajribalar endi qo'l kelmasligi mumkin"

Germaniya terma jamoasi yarimhimoyachisi Toni Kroos Evro-2020da Frantsiyaga qarshi o'yin oldidan o'z fikrlarini bildirdi.

«Biz sxemani hali ancha takomillashtirishimiz kerak. 15 iyundan boshlab tajribalar endi qo'l kelmasligi mumkin. Frantsiyadek jamoaga qarshi yangi uslublarni sinab ko'rishni boshlamasak, muammolarga duch kelishimiz aniq.

Karim Benzemaning qaytishi frantsuzlar uchun so'zsiz kuchayish belgisini anglatadi. Men u bilan etti yildan beri o'ynamoqdaman va u o'z jamoasidagi jahon darajasidagi top futbolchi», - deydi Kroos.