"Barsa" yordamchi murabbiyi: "Hamma narsa bizga bog'liq emasligini bilamiz, lekin..."

«Barselona» bosh murabbiyi Ronald Kumanning yordamchisi Alfred Sxroyder La Liganing 35-turidan o'rin olgan «Atletiko» (0:0) bilan bahsdan keyin o'z fikrlarini bildirdi.

«Shubhasiz, qiyin o'yin bilishini bilardik. Birinchi bo'limda Messida, ikkinchisida Dembeleda yaxshi imkoniyat bo'ldi. 

To'p asosan bizda bo'ldi, «Atletiko» himoyaviy futbol o'ynashini kutgandik. G'alaba qozonish uchun imkoniyatlarimiz bor edi. Endi e'tiborimizni keyingi bahsga qaratishimiz kerak. O'z pozitsiyamizda qoldik, hali ham «Atletiko»dan 2 ochkoga ortdamiz. 

Endi boshqa o'yinlarning natijalarini kutishimiz kerak. Ko'ramiz, «Real» «Sevilya» bilan qanday o'ynaydi. Hamma narsa bizga bog'liq emasligini bilamiz, ammo La Ligada g'olib bo'lishimiz mumkin. 3 oy oldin hozirgi pozitsiyamizda bo'lishni xohlayotgandik», – deya Sxroyderning so'zlarini keltiradi Marca.