"Latsio" sobiq futbolchisi: «Mourino jamoalari futbol o'ynashmaydi»

«Latsio»ning sobiq futbolchisi Paolo Di Kanio «Roma»ga Yangi mavsumdan boshalb bosh murabbiyi etib tayinlangan Joze Mourinyuni tanqid qildi.

«Tushundimki, klubga katta nom kerak edi, ammo bu o'z faoliyatini allaqachon yakunlagan futbolchi bilan shartnoma imzolashga o'xshaydi. Mourinyu to'rt yil ichida uch marta ishdan bo'shatildi. Uning jamoalari hattoki futbol ham o'ynashmaydi, bu futbolga qarshi kurash.

Ehtimol, bir nechta yorqin matbuot anjumanlari, janjalli bayonotlar bo'lishi mumkin, u teatr tashkil qilishni yaxshi ko'radi, ammo jamoani qayta qurish uchun bu eng yomon variant» – dedi Di Kanio.

«Latsio»da to'p surgan Di Kanio hozirda Sky Sport Italiada mutaxassis bo'lib ishlaydi.