Mourino "Roma"ga bir qancha sobiq shogirdlarini chaqirishni reja qilgan

"Roma"ning yangi bosh murabbiyi Joze Mourino yangi mavsum uchun tarkibni sezilarli darajada yangilashni rejalashtirmoqda, deb xabar beradi La Gazzetta dello Sport.

Manbaning xabar berishicha, murabbiy jamoaning darvozabon pozitsiyasiga Xuan Musso ("Udineze"), Rui Patrisio ("Vulverxemton") va Xose Sa ("Olimpiakos") nomzodlarini ko'rib chiqmoqda.

Himoya markaziga esa Erik Dayer ("Tottenxem") yoki Natan Akeni ("Manchester Siti") sotib olish mumkin. Himoyaning o'ng qanotiga Nelson Semedu ("Vulverxempton") va Rikardo Pereyrani ("Lester") nomzodlari o'rin olgan.

Per-Emil Xeyberg jamoa markaziy yarim himoyasini kuchaytirish uchun asosiy nomzod. Shuningdek, "Manchester Yunayted"dan Nemanya Matich va Xuan Mata bilan aloqalar mavjud. Shuningdek "Lill"dan Renatu Sancheshga ham qiziqishlar bor.

Hujum chizig'iga esa "Tottenxem"dan Karlos Vinisius sotib olinishi mumkin. Bundan tashqari Mourino rimliklar safida "Real"dan Isko va "Aston Villa"dan El-Gazini ko'rishni istamoqda.