Yurgen Klopp: «Jarohatlar bilan kurashish eng katta muammo»

«Liverpul» bosh murabbiyi Yurgen Klopp uning jamoasi APL turnir jadvalining kuchli to'rtligidan joy olishga qodirmi degan savolga javob berdi.

Ayni paytda Mersisayd klubi ettinchi o'rinda va to'rtinchi o'rindan etti ochko ortda qolmoqda. Chempionat tugashiga qadar «Liverpul»da beshta o'yin qoldi.

«Bizda hali [kuchli to'rtlikka kirish] imkoniyati bor-yo'qligiga amin emasman, lekin biz harakat qilamiz va agar shunday imkoniyat yuzaga kelsa, biz albatta o'sha erda bo'lamiz.

Ettinchi emas, beshinchi yoki to'rtinchi bo'lishimiz mumkinmi? Ha, biz ma'lum nuqtalarda yaxshiroq ishlashimiz mumkin edi, ammo jarohatlar bilan kurashish eng katta muammoga aylandi», - dedi Klopp.