Premer-liga 9 yil ichida birinchi marta La Ligani ortda qoldirdi

Premer-liga Angliya klublarining UEFA musobaqasidagi yutuqlari evaziga UEFA koeffitsientlar jadvalida birinchi o'ringa chiqib oldi.

9 yil ichida birinchi marta Angliya Premer-ligasi La Ligani ortda qoldirib, jadvalning birinchi qatoriga ko'tariladi.

Bunga qadar, Premer-liga 2007/08 yilgi mavsumdan 2011/12 yilgi mavsumgacha birinchi o'rinda borayotgan edi. Angliya klublari UEFAning Evropa musobaqalaridagi so'nggi besh mavsumdan uchtasida ispanlardan ustun keldi va koeffitsientlar jadvalida dastlab, La Liga bilan farqni qisqartirdi so'ngra esa, birinchi o'ringa chiqib oldi.

Bundan tashqari, Premer-liga Angliyaning uchta klubi Chempionlar Ligasi va Evropa Ligasi finaliga yo'l olganidan so'ng, La Liganing koeffitsientlar jadvalida eng ko'p ochko to'plash bo'yicha rekordini yangiladi.

2015/16 yilgi mavsumda «Real» Chempionlar Ligasida, «Sevilya» esa Evropa Ligasida g'olib chiqdi. Shundan so'ng, Ispaniya klublari reytingda 23,928 ochko to'plashdi. Angliya klublari esa joriy mavsumda xuddi shunday ko'rsatkichga ega bo'lib turishibdi. Chempionlar Ligasi va Evropa Ligasi final o'yinlari o'tkazilgandan so'ng, Premer-liga klublari tabiiyki yangi rekord o'rnatadilar.