MYu va «Roma» jamoalari UEFA tarixiga kirdi

«Manchester Yunayted» va «Roma» Evropa Ligasi yarim final bosqichining ikki uchrashuvida jami 13ta gol urishdi.

Eslatib o'tamiz, jamoalar safar va uy uchrashivida bittadan zafar quchishdi: «qizil iblislar» 6:2, «bo'rilar» esa 3:2 hisobida g'alaba qozonishdi.

Opta nashrining yozishicha, «Manchester Yunayted» va «Roma» UEFA klublari tarixidagi ikkinchi eng ko'p gol urgan yarim final o'yini o'tkazishgan.

Bu boradagi rekord esa «Ayntraxt Frankfurt» va «Reynjers» o'rtasidagi 1960 yildagi Evropa kubogi 1/2 finalidagi to'qnashuvga tegishli. O'shanda ikki bahs natijasiga ko'ra darvozalarga jami 16 ta gol urilgan.