“Real”, “Barsa”, “Yuventus” va “Milan” 2 yilga barcha musobaqalardan chetlashtirilishi mumkin, sababi...
/ Kiritdi: BestMaster Ko'rilgan: 154
Ispaniya va Italiya grandlari - “Real”, “Barsa”, “Yuventus” va “Milan” Evropa Superligasidan rasman voz kechmasa, UEFA tomonidan ikki yilga musobaqalardan chetlatiladi.
UEFA rahbariyati yangi tashkil etilgan va katta qarshilikka uchragan Evropa Superligasida ishtirok etmoqchi bo'layotgan klublarga ana shunday jazo chorasini qo'llashga tayyor ekanini bildirdi.
Ma'lumki, Evropa chempionatlarining eng qudratli klublari o'zaro kelishgan holda yangi superturnir tashkil qilgandi. Ushbu musobaqada “ko'hna qit'a”ning eng kuchli 20 ta jamoasi qatnashishi kerak edi.
Bu loyiha FIFA, UEFA, milliy chempionatlar tashkilotchilari, futbol jamoatchiligi, muxlislar tomonidan qarshilikka uchradi. Natijada ushbu loyiha bosh qo'shgan 12 ta jamoadan “Arsenal”, “Atletiko”, “Chelsi”, “Inter”, “Liverpul”, “Manchester Siti”, “Manchester Yunayted”, “Tottenxem Xotspur” katta bosim ostida rasman musobaqani rad etdi.
Hozircha, faqatgina “Real”, “Barsa”, “Yuventus” va “Milan” loyihadan chiqqanini e'lon qilgani yo'q.
Bosh sahifaga
231
