Rasman! «Lester Siti» yangi murabbiyini e'lon qildi

“Seltik” bosh murabbiyi Brendan Rojers klubni tark etib, “Lester” bosh murabbiyiga aylandi. Bu haqda klub rasmiy sayti xabar tarqatdi.

Ma'lumot uchun, 46 yoshli Brendan Rojers “tulkilar” bilan 2022 yilgacha shartnoma imzoladi. Rojers 2016 yilda “Seltik”ni qabul qilgunga qadar 2012-2015 yillarda “Liverpul” bosh murabbiyi sifatida faoliyat yuritgan. Undan avvalroq “Suonsi”, “Riding” va “Uotford” klublarini boshqargan; “Chelsi”ning yoshlar jamoasiga ustozlik qilgan.

Eslatib o'tamiz, “Lester” 24 fevral kuni bosh murabbiy Klod Pyuel iste'fosini ma'lum qilgandi