Nagelsmanning "Bavariya"dagi dastlabki transfer maqsadi ma'lum

Yangi mavsumdan boshlab «Bavariya»da ish boshlayotgan Yulian Nagelsmann «Borussiya» forvardi Erling Holandni o'z jamoasida ko'rishni istamoqda.

Sky Sport Deutschland’ning yozishicha, Myunxen klubi 20 yoshli norvegiyalik hujumchi uchun kurashga qo'shilgan. Nagelsmann klub rahbariyati bilan uchrashuvda yangi jamoasi uchun Holand ideal forvard ekanligini tushuntirgan. Klub Robert Levandovski bilan hali shartnomani uzaytirmagani bois, Holand polshalik goleadorga munosib o'rinbosar bo'lishiga ishonishmoqda.

Avvalroq, Holand transferi uchun yozgi transfer oynasida «Real», «Barselona», «Manchester Siti» va «Manchester Yunayted» klublari kurash olib borishi xabar qilingandi.

Ma'lumot uchun, Erling Bundesliga joriy mavsumida 26 o'yinda 25ta gol va 5ta golli uzatmaga mualliflik qilgan.