Sulsher: "«Roma» «Barselona»ga qarshi o'yinda kambek amalga oshirgan. Buni unutmaylik"

«Manchester Yunayted» bosh murabbiyi Ole-Gunnar Sulsher Evropa Ligasi yarimfinalidan o'rin olgan «Roma»ga qarshi javob bahsi oldidan o'z fikrlarini bildirib o'tdi.

«Hali finalda emasmiz. G'alaba qozonish uchun o'ynashimiz kerak. Natijani saqlab qolishni emas, yanada yaxshilanish istaymiz. 

Bir necha yil avval «Roma» «Barselona»ga qarshi o'yinda kambek amalga oshirgan. Buni unutmaylik.

Birinchi o'yin bilan taqqoslaganda tarkibda bir nechta o'zgarishlar qilamiz. Futbolchilarning chidamliligini sinab ko'ramiz, chunki ular har mavsumda 50ta o'yin o'tkazishlari kerak.

Kavani? Edinson bilan qiziqarli suhbatlar o'tkazdik. Ammo so'nggi so'zni uning o'zi aytadi. «MYu»da qolish yoki qolmaslik to'g'risida o'zi qaror qabul qilishi kerak. Bu borada optimistik kayfiyatdaman, – deya Sulsherning so'zlarini keltiradi Sky.

«Roma» 2018 yili Chempionlar Ligasi chorakfinalida «Barselona»ga safarda 1:4 hisobida yutqazib, o'z maydonida 3:0 hisobida g'alaba qozongan va yarimfinalga yo'l olgandi. 

«Roma» – «MYu» o'yini bugun, 6 may kuni bo'lib o'tadi. Dastlabki bellashuvda mankunianliklar 6:2 hisobida ustun kelishgan.