Kazemiro: "Biz harakat qildik, ammo..."

"Real" yarim himoyachisi Kazemiro Londonning "Chelsi" jamoasiga qarshi o'yindan so'ng intervyu berdi.

"O'yin boshida yaxshi harakat qildik, Benzemada ikki marta yaxshi vaziyat yuzaga keldi. Keyin "Chelsi" tashabbusni qo'liga oldi. Hech narsani o'zgartirib bo'lmaydi, Ispaniya chempionati haqida o'ylash kerak. Biz harakat qildik, ammo "Chelsi" kecha bizdan yaxshiroq o'ynadi. Ular final yo'llanmasiga loyiq edilar. Biz "Sevilya" bilan o'yinda o'z kuchimizni ko'rsatishimiz kerak. "Chempionlar Ligasini yutish juda qiyin, bugun barchangiz bunga amin bo'ldingiz", - dedi yarim himoyachi.