Vinicius Junior: «"Real" kelasi yil Chempionlar Ligasi finaliga chiqadi, men bunga aminman»

Madridning «Real» klubi yarimhimoyachisi Vinitsius Junior «Chelsi»ga qarshi Chempionlar Ligasining ikkinchi yarim final mag'lubiyatli uchrashuvi(2:0) haqida fikr bildirdi.

«Biz yaxshi jamoaga qarshi o'ynadik va maydonda bor kuchlarimiz bilan harakat qildik. Ishonchim komilki, keyingi yil biz yana qaytib, finalga chiqamiz.

So'nggi yillarda ko'p sovrinlar yutgan jamoamiz uchun bunday mag'lubiyat og'ir, albatta, ammo ertami-kechmi hamma yutqazadi.

Yana yuqori darajaga qaytish uchun ko'p ishlash kerak», - deya braziliyalik iqtidorning so'zlarini keltiradi UEFA rasmiy sayti.