Bir mamlakat klublari sakkizinchi marta EChL finalida to'qnash keladi

"Manchester Siti" va "Chelsi" klublari Evropa chempionlar ligasining finaliga chiqishdi.

Shu tariqa, musobaqa tarixida sakkizinchi marotaba bir mamlakatning ikki klubi hal qiluvchi o'yinda to'qnash keladigan bo'lishdi. Gap 1992 yildan boshlab Chempionlar ligasi nomi ostida o'tkazilayotgan musobaqa haqida ketmoqda.

So'nggi marta mavsum-2018/2019da bir mamlakat jamoalari finalda uchrashishgandi. O'shanda "Liverpul" "Tottenxem" ustidan g'alaba qozonib (2:0), bosh sovringa ega chiqqan edi.

Eslatib o'tamiz, joriy mavsumdagi final 29 may kuni Istanbul shahrida bo'lib o'tadi.