Yorqin Nazarov: "Afsus, debyutimizni hech bo'lmaganda durang bilan boshlamoqchi edik"

“Andijon” – “Qo'qon-1912” (1:2) o'rtasidagi uchrashuvdan keyin mezbonlar bosh murabbiyi Yorqin Nazarov jurnalistlarning savollariga javob qaytardi.

- Fikrimcha, bugun yaxshi o'yin bo'ldi. Muxlislar zerikib qolishgani yo'q. Futbolchilar qo'lidan kelganicha harakat qilishdi. Afsus, debyutimizni hech bo'lmaganda durang bilan boshlamoqchi edik.

Omad kelmadi. Penalti – bu 50x50 lotereya. O'yinga to'rt kun vaqtimiz bor edi. Futbolchilar nimani istayotganimizni tushunishganini ko'rib turibman. G'alabali o'yinlarimiz hali oldinda.

So'nggi 20 daqiqa ichida biz yutqazayotgandik. O'yinni yutmoqchi edik. Shu bois oxirlarida yigitlar o'yinga yanada qo'shishdi. O'zi mag'lubiyatga uchrayotganda shunaqa bo'ladi. O'yindan o'yinga ochilayotganimizni sezyapman", - deydi murabbiy.