Madridning ikki jamoasiga ham bir futbolchi kerak

Madridning "Atletiko" klubi "Ayntraxt"ning portugaliyalik hujumchisi Andre Silvaga qiziqish bildirmoqda, deb xabar beradi Sky Sport.

Nashrning yozishicha, Ispaniya klubi yozgi transfer oynasida futbolchini sotib olmoqchi. Ta'kidlanishicha, madridliklar bu borada "Ayntraxt" bilan muzokaralarni boshlab yuborgan.

Oldinroq, Silvaga "Real"ga qiziqish bildirayotgani va "qirollik klubi" u uchun ijadagi futbolchisi Luka Yovichni berishga tayyorligi xabar qilingan edi.

Ushbu mavsum 25 yoshli Silva "Ayntraxt" tarkibida barcha musobaqalarda 31 o'yin o'tkazib, 26 gol urdi va 9 golli pas berdi. Uning klub bilan shartnomasi 2023-yilning yozigacha amal qiladi.