EChL. Zidan "Chelsi"ga qarshi yarimfinal oldidan fikrlari bilan o'rtoqlashdi

«Real» bosh murabbiyi Zinedin Zidan EChL yarimfinalidan o'rin olgan «Chelsi»ga qarshi o'yin oldidan o'z fikrlarini bildirib o'tdi. 

«O'zimni yaxshi his qilyapman. Bizni nima kutayotganini bilamiz. Nima qilish kerakligini tushunamiz va muvaffaqiyat uchun bor kuchimizni beramiz. 

Bu bosqichga tirishqoqlik, o'zimizga bo'lgan ishonch bilan etib keldik. Futbolda mo'jiza yo'q. 

Oldimizdagi kamida 90 daqiqa davomida qo'limizdan kelganicha o'ynashimiz kerak. Chempionlar Ligasi yarimfinalidamiz. Bu har kuni bo'lmaydi. Futbolchilar javob bahsiga yaxshi tayyorgarlik ko'rishgan. 

Ramos aniq o'ynaydi, deb ayta olmayman. U jamoa bilan keldi. Demak, uning holati yaxshi. Sardorimiz biz bilan ekanligi muhim», — deya Zidanning so'zlarini keltiradi UEFA rasmiy sayti.

«Chelsi» — «Real» o'yini bugun, 5 may kuni bo'lib o'tadi. Madriddagi bahsda 1:1 hisobi qayd etilgan.