Sarri: «Tug'ri, Kepa xato qildi, biroq biz uni o'ldirmoqchi emasmiz»

Londonning "Chelsi" klubi bosh murabbiyi Mauritsio Sarri darvozabon Kepa Arrisabalaga bilan bog'liq mojaro qanday hal qilinganini aytib berdi.

Eslatib o'tamiz, ispaniyalik posbon Liga Kubogi finalidan o'rin olgan "Manchester Siti"ga (0:0, pen. 3:4) qarshi o'yinda zaxiraga olinishini istamay, maydonda qolgan edi.

"Kepa bilan shaxsan gaplashdim, keyin barcha futbolchilar bilan suhbatlashdik. U hammadan uzr so'radi. U juda katta xatoni qildi, biroq, uni o'ldirmoqchi emasmiz. 

"Tottenhem"ga qarshi o'yinda maydonga tushadimi? Bilmadim, balki ha, balki yo'q. Bu haqda qaror qabul qilmadim", - deb Sarri so'zlarini keltirmoqda Sky Sports.

Avvalroq, Arrisabalaga 1 haftalik maoshi miqdorida jarimaga tortilgani haqida xabarlar tarqalgan edi.