Manba: Messi «Barselona» bilan shartnomani 2 yilga uzaytiradi

«Barselona» hujumchisi Lionel Messi o'z jamoasi bilan shartnomani uzaytirishga qaror qildi. Bu haqda insayder jurnalist Nikolo Skira xabar tarqatdi.

Manbaga ko'ra, "ko'k-anorranglilar" 33 yoshli futbolchi bilan 2 yillik shartnoma bo'yicha kelishuv erishishgan. Yaqin kunlarda bu haqda rasmiy xabar tarqatilishi kutilmoqda.

Eslatib o'tamiz, argentinalik futbolchining "Barsa" bilan shartnomasi joriy mavsum oxiriga qadar tuzilgan. Ushbu mavsumda u La liga doirasida 32ta uchrashuv o'tkazib, 28ta gol urdi va 11ta golga uzatma berdi.