Pochettino "Siti"ga qarshi uchrashuvda, Mbappeni o'ynay olmasligi haqida gapirdi

«Pari Sen-Jermen» bosh murabbiyi Maurisio Pochettino Chempionlar ligasi yarimfinal javob bahsi doirasidagi «Manchester Siti»ga qarshi o'yin oldidan Kilian Mbappening holati haqida gapirdi.

«Bugun Mbappening holatini yana bir marta baholashimizga to'g'ri keladi. U yakka tartibda shug'ullanayapti. O'yinda maydonga tushish yoki tushmasligi Kilianning uchrashuvga yaqin o'zini qanday his qilayotganiga bog'liq bo'ladi. Qo'l ostimda katta tarkib bor, barcha o'yinchilar vazifani bajara olishadi. Mbappe o'ynay olmagan taqdirda ham «PSJ» Manchesterda g'alaba qozonish uchun etarlicha kuchga ega», - deya parijliklar ustozi Pochettinoning fikrlarini keltirmoqda UEFA rasmiy sayti.

Ma'lumot uchun, «Manchester Siti» — «Pari Sen-Jermen» o'yini bugun, 4 may soat 23:59da boshlanadi. Dastlabki o'yinda Angliya klubi Frantsiyadan g'alaba (2:1) bilan qaytgandi.