Pochettino: "Xavotirlanishga o'rin yo'q. Xotirjamman"

PSJ bosh murabbiyi Maurisio Pochettino «Manchester Siti»ga qarshi uchrashuv oldidan jurnalistlar bilan suhbatlashdi.

“Uchrashuv qanday o'tishini taxmin qilish qiyin. Futbolda hech narsani oldindan aytib bo'lmaydi. Bu bahsda ham yigitlar balki kutilmagan sovg'a tayyorlab qo'ygandir. Biroq menga qo'shimcha bosim bo'lmaydi. Men juda xotirjamman.

PSJ Chempionlar Ligasi yarim finalida har doim ham o'ynayvermaydi. Shunchaki futboldan zavq olish kerak. Xavotirlanishga o'rin yo'q. Bizda hali finalga chiqish uchun imkoniyatlar etali», - deydi Pochettino.