Verratti: «Manchester Siti»ga qarshi qandaydir mo''jizalar yaratishimiz shart emas"

PSJ yarimhimoyachisi Marko Verratti Chempionlar Ligasi yarim finali «Manchester Siti»ga qarshi javob uchrashuvi oldidan o'z fikrlarini bildirdi. Uchrashuv bugun tunda bo'lib o'tadi.

«Biz raqibimizga ayni dam nima kerakligini yaxshi anglab turibmiz. Ularni nimani xohlashini bilamiz, lekin bor e'tiborimizni o'z o'yinimizga qaratishimiz kerak.

Bizda ajoyib malakali futbolchilar va kuchli taktik murabbiy mavjud. Bunday paytda xotirjam bo'lishimiz kerak, «Manchester Siti»ga qarshi qandaydir mo''jizalar yaratishimiz shart emas.

Albatta, ular biroz ustunlikka ega, ammo biz o'z uslubimizda o'ynashda davom etamiz», - deya Verrattining so'zlarini keltirgan UEFA matbuot xizmati.