Jon Stounz: «Mezbondagi o'yinni avvalgi uchrashuvning ikkinchi bo'limini tugatgandek boshlashimiz kerak»

«Manchester Siti» himoyachisi Jon Stounz PSJga qarshi o'yin oldidan o'z fikrlari bilan o'rtoqlashdi.

«Neymar va Mbappega qarshi o'ynash hech qachon oson bo'lmaydi. Katta o'yinlarda jahon darajasidagi ikki futbolchiga qarshi turish, himoyachilar uchun katta muammo. Ammo bu o'zimizni sinab ko'rish, ularni zararsizlantirish uchun nima qilishimiz mumkinligini ko'rish uchun ajoyib imkoniyat.

Biz Parijdagi birinchi uchrashuvning ikkinchi yarmida ushbu vazifani a'lo darajada bajardik. Ammo, tarkibda ikkita futbolchiga emas, balki butun jamoaga munosib e'tibor qaratishimiz kerak.

Biz o'zimizga ishonamiz. Boshqacha bo'lishi mumkin emas. Bu finalga chiqish uchun imkoniyat, biz uchun ya'ni, futbolchilar, muxlislar va klub uchun katta voqea bo'ladi. Kutilajak o'yinni avvalgi uchrashuvdagi ikkinchi bo'limni tugatgandek boshlashimiz kerak.

Biz mehmonda ikkita gol urishga muvaffaq bo'ldik. Javob o'yiniga esa yanada ishonch bilan yondoshamiz», - deya Stounzning so'zlarini keltiradi UEFA rasmiy sayti.

Eslatib o'tamiz, «Manchester Siti» va PSJ o'rtasidagi EChL yarim finali javob uchrashuvi ertaga, 4 may kuni bo'lib o'tadi. Birinchi o'yin 2:1 hisobida Angliya jamoasining g'alabasi bilan yakunlan.