«Atletiko» «Real» futbolchisiga shartnoma taklif qildi, ammo...

Lukas Vaskes boshqa bir Madrid jamoasi taklifini rad etdi.

Ispaniyaning AS nashri xabariga ko'ra, Madridning «Atletiko» klubi «Real» futbolchisi Lukas Vaskes bilan shartnoma imzolamoqchi bo'lgan.

Ushbu yozda 29 yoshli ispaniyalikning «qirollik klubi» bilan tuzgan o'zaro shartnomasi o'z nihoyasiga etadi. «Qaymoqranglilar» bilan yangi bitim esa hali imzolanmadi va shu munosabat bilan «matraschilar» Vaskesga uch yillik shartnoma taklif qilishdi, ammo u «Real»ga sodiqligi tufayli bunday taklifni rad etgan.

Ma'lumot o'rnida, ushbu mavsum La Ligada Lukas 24 o'yin o'tkazib, unda 3 gol urishga muvaffaq bo'lgan. Hozirda Vaskes «Barselona»ga qarshi o'yinda tizzasidan olgan jarohatidan tiklamoqda.

Manba: AS