Dibaladan Riberigacha. Eldor Shomurodov A Seriya 2020/21 yilgi mavsumdagi gollari soni bo'yicha qator yulduzlarni ortda qoldirmoqda
/ Kiritdi: BestMaster Ko'rilgan: 176
«Jenoa» klubi hujumchisi Eldor Shomurodov A Seriya 34-turi doirasida «Latsio»ga qarshi kechgan bahsda (2:3) gol urishga erishdi.
Bu o'zbekistonlik futbolchi uchun Italiya chempionati 2020/21 yilgi mavsumidagi 5-gol bo'ldi.
Eldor A Seriya joriy mavsumida gol urish bo'yicha bir qator yulduz futbolchilarni ortda qoldirmoqda. Ular orasida «Yuventus» hujumchilari Paulo Dibala (3 ta gol) va Deyan Kulusevski (4), «Milan» yarim himoyachisi Xoqon Chalxono'g'lu (4) hamda hujumchi Brahim Dias (2), «Inter» vakillari Ivan Perishich (3), Arturo Vidal (2), «Fiorentina» yulduzi Frank Riberi (2) kabi futbolchilar bor.
Shuningdek, Shomurodov Aleksis Sanches («Inter»), Ueston Makkenni («Yuventus»), Balde Keyta («Sampdoriya») va Teo Ernandes («Milan») bilan bir xil natija (5 tadan gol) qayd etmoqda.
Shomurodov «Jenoa»da Mattia Destro (11), Janluka Skamakka (7) va Goran Pandevdan (6) keyingi eng yaxshi to'purar bo'lib turibdi.
A Seriya tugashiga hali yana to'rtta tur bor genuyaliklar qolgan turlarda «Sassuolo» (9 may), «Bolonya» (12 may), «Atalanta» (15 may) va «Kalyari» (23 may) jamoalari bilan o'ynaydi.
Bosh sahifaga
173